مقارنة مضحكة

سبحان الله وبحمده سبحان الله العظيم
استغفر الله العظيم من كل ذنب وأتوب إليه
لا اله إلا أنت سبحانك إني كنت من الظالمين




هذه المقارنة تبيِّن لكم كيف توصي الأم الهاي فاي ولدها قبل الذِّهاب إلى المدرسة وبالمقابل شوفو الأم الهظيك (الفلّاحة) شو بتقول لإبنها

الأم الهاي: لا تنسى مامي تاكل الكورواسو في البريك.

الأم الفلّاحة: يمه... صندويشة الزعتر بالكيس أوعى يلطشوها منَّك ولا.

الأم الهاي: خلّيك عالرسيف لبين ما ييجي الباس (Bus) وأوعى من هدول إلّي بيشحتو.

الأم الفلّاحة: بتروح عالمدرسة دوز دوغري ويا ويلك إذا بعرف إنَّك لعبت بالتراب اليوم.

الهاي: زي ما وسّيتك إبعد عن الشلِّة النّوتي (Naughty) اللي بتاكل السندويتش تبعك.

الفلّاحة: أوعى ألاقيك ظارب الولاد زي امبارح هي معك شلن إشتري الّلي بدَّك ايّاه وبلاش تاكل صندويشات صحابك غصبن عنهم.

الهاي: مامي دُنت فورغِت (Don't Forget)، لمّا ترجع ما رح تلائيني في البيت عندي جيم (Gym) متأخِّر اليوم خلّي الشغّالة تسخِّنلك البرغر.

الفلّاحة: بترجع من المدرسة عالدّار على طول وبلاش صرمحة بالشوارع تراني عاملتلك صحن مجدَّرة من الآخر.

الهاي: على فكرة المس كتير زعلانة منَّك وبعتتلي مسج إنَّك صاير نوتي في الصَّف.

الفلّاحة: ولا... أبوك بقول إنُّو الأساتذة بشِدّوا شعرهم منَّك.. دير بالك وبلاش تزعِّلهم ما إسمهم إلّا بني آدمين زينا.

الهاي: مامي لمّا تروح لا تأتع الشّارع واستنّى بابي لمّا يوصل.

الفلّاحة: لمّا تقطع الشوارع لا تمشي زي الملطوش مش ناقصين مصايب بيكفّي السنة الماظية اندعست عشر مرّات.

الهاي: على فكرة انا كتير كتير أبست (Upset) منَّك قالوا لي شافوا بالهاند باغ (Hand bag) تبعك سجاير.

الفلّاحة: قال بتحمل موس بشنطتك يا واطي؟! ... ولك خلّيك عالشَّفرة وهَيْها مستورة.

الهاي: قول لسحابك ميمي وتوتو ييجوا على البيرثداي (Birthday) تبع أختك نانا.

الفلّاحة: قول لصحابك عمر واسماعين ييجوا يتصلقطوا عِنّا بكرة حرام أمهم ما بتعرف تعمل كرشات زينا.

الهاي: مامي خلّيك كلاس (Class) مع المس تبعك ولو دلّيت هيك بَجِبْلَك موبايل جديد.

الفلّاحة: اذا رجع هاظا الاستاذ وظربك بالعصاي لا تحكي معه واتركني أروح أتفاهم معه هو مفكِّرنا لاقينك بالشارع.

الهاي: كتبت شيك لاستاز الإنجلش والعربي والريادة وخلّيته مع الشغّالة لما ييجوا اعتيهم ايّاه... اففففف تأخَّرِت عالجوكينغ! عاجبك هيك هلّأ سوسو بتدّايأ.

الفلّاحة: الاستاذ اللي قالكو إنّو ممكن يعطيكوا دروس خصوصي قولّو روح لاقي أمّي بكرة بالوزارة يا شاطر.